Шорт-тректен әлем чемпионаты: Денис Никиша тарихи медаль алды
Қазақстандық Денис Никиша шорт-тректен Роттердам қаласында (Нидерланд) өтіп жатқан әлем чемпионатында күміс жүлдегер атанды, деп хабарлайды Ұлттық олимпиада комитеті.
Қазақстандық шорт-трекші оң жамбасына келетін 500 метр қашықтықта 41.676 нәтижемен мәре сызығын екінші болып қиды. Қытайлық Сяоцзюнь Лин 41.592 көрсеткішпен әлем чемпионы атанса, канадалық Джордан Пьер-Жиль (52.289) үздік үштікті түйіндеді.
Жарыс барысында үш бірдей шорттрекші құлап қалды.
Денис қазақстандықтар арасынан әлем чемпионатында жүлде алған алғашқы шорттрекші атанып отыр.