Қостанай облысында 28 елді-мекен жарықсыз отыр
Бұл туралы Қостанай облысы әкімінің орынбасары Арман Әбенов айтты.
«Су тасқынынан зардап шеккендердің барлығына көмек көрсету жөніндегі жұмыс жалғастырылып жатыр. Біржолғы әлеуметтік төлемдер басталды. Сондай-ақ басқа да демеушілік және гуманитарлық көмек көрсетілуде. 587 отбасына 107,3 млн теңге сомасында көмек қаражат аударылды», - деді әкімнің орынбасары Орталық коммуникациялар қызметіндегі брифингте.
Оның айтуынша, көптеген электр бағандары су астында қалған. Қазіргі кезде облыстағы 28 елді-мекен жарықсыз отыр.