Тайваньда президент сайлауы өтті - Қазақстан мәлімдеме жасады
Тайваньда президент сайлауы өтті. Сайлауда биліктегі Демократиялық прогрессивті партияның кандидаты Лай Циндэ жеңіске жетті.
Осыған орай Қазақстан Сыртқы істер министрлігі Тайваньдағы сайлау қорытындысына қатысты мәлімдеме жариялады.
«Тайваньда өткен сайлауға байланысты Қазақстан Республикасы «бір Қытай» қағидатын табанды түрде қолдайтынын қайта мәлімдейді және Қытай Халық Республикасының үкіметі бүкіл Қытайды білдіретін жалғыз заңды үкімет. Ал Тайвань Қытай аумағының ажырамас бөлігі екенін растайды. Қытай Халық Республикасы үкіметінің елді бейбіт жолмен біріктіру жолындағы күш-жігерін қолдаймыз», - делінген министрлік хабарламасында.
