Қазақстанға Қытайдан әкелінген көлік 2 есеге өсті

Қазақстанға қытайлық жеңіл көліктердің импорты өсуде. 2024 жылдың қаңтар-ақпан айларында Қытайдан 10,1 мың автокөлік әкелінді. Бұл 2023 жылдың сәйкес кезеңіндегі көрсеткіштен екі есеге көп, деп жазады Data Hub телеграм каналы.

Канал бұл ақпаратты ҚР Ұлттық статистика бюросы берген ақпаратақ сүйеніп таратты

Екі ай ішінде Қазақстанға импортталған жеңіл автокөліктердің жалпы саны 20 мың бірлікті құрады. Осылайша, елге шетелден жеткізілетін әрбір екінші көлік Қытайда шығарылған.

Үш ірі жеткізуші күш біріктіргеннен кейін де Қытаймен бәсекеге түсе алмаған. Олардың үлесі 42% құрады: 

АҚШ – 19% (3,7 мың бірлік); 

Жапония – 15% (3 мың бірлік);

Корея – 8% (1,6 мың бірлік).