Владимир Путин президент сайлауында 87 пайыз дауыс жинады

Ресей президенттігіне үміткер Владимир Путин 2024 жылғы президенттік сайлау хаттамаларының 99,43% санау нәтижесі бойынша 87,32 пайыз дауыс жинап, көш бастады. Бұл туралы РФ Орталық сайлау комиссиясы хабарлады.

Екінші орында 4,32 пайыз дауыс жинаған Ресей Федерациясы Коммунистік партиясынан кандидат Николай Харитонов, үшінші орында 3,79 пайыз дауыспен «Жаңа халық» партиясынан кандидат Владислав Даванков тұр. Төртінші орында — 3,19% дауыс жинаған ЛДПР кандидаты Леонид Слуцкий.