БАТЫРДЫҢ ЕСІМІ ЕСТЕ САҚТАУҒА ЛАЙЫҚТЫ

ҚР Парламенті Сенатының төрағасы Қасым-Жомарт Тоқаев өзінің Twitter-дегі парақшасында осыдан бірнеше күн бұрын киік атып жүрген  браконьерлермен қақтығыс кезінде ауыр жарақат алып, 15-қаңтар күні көз жұмған ержүрек инспектор Ерлан Нұрғалиев туралы жазды. «Бүгін киіктерді өлтірген браконьерлермен күрескен нағыз ержүрек азамат, қорықшы Ерлан Нұрғалиев жерленді. Ол Қазақстан Республикасының ұлттық байлығын қорғау жолында көз жұмды. Иманды болсын! Бандиттер мен олардың ісіне қолдау көрсетушілер тиісті жазасын алулары керек. Батырдың есімін мәңгі есте сақтауға лайықты», - делінген Қасым-Жомарт Кемелұлының Twitter-дегі жазбасында.

сурет: egemen.kz