ҚАСЫМ-ЖОМАРТ ТОҚАЕВ ИЛЬХАМ ӘЛИЕВТІ ТУҒАН КҮНІМЕН ҚҰТТЫҚТАДЫ

Қазақстан Президенті Қасым-Жомарт Тоқаев Әзербайжан Президенті Ильхам Әлиевпен телефон арқылы сөйлесіп, туған күнімен құттықтады.

Ақорда баспасөз қызметінің хабарлауынша, Қасым-Жомарт Тоқаев Ильхам Әлиевпен  құттықтай келе әзербайжан халқының игілігі жолында атқарып жатқан мемлекеттік қызметіне сәттілік тілеген. Қасым-Жомарт Тоқаев  Ильхам Әлиевтің екіжақты ынтымақтастықты дамытуға қосқан үлесін жоғары бағалап, Қазақстанның екі ел арасындағы стратегиялық серіктестікті нығайтуға мүдделі екенін атап айтты.