Қазақстандық сыртқы сауда айналымының 40% жуығы Еуроодаққа тиесілі

Қазақстанды Еуропа елдерімен байланыстыратын өзіра тиімді қарым-қатынастар, маңызды бағыттар көп. Тоғыз жолдың торабындағы Қазақстан алып Қытай мен кәрі құрлық Еуропаны жалғайтын көпір. Орталық Азия оның ішінде Қазақстан Еуропа Одағының саяси және экономикалық тұрғыдан маңызды әріптес болып келеді.

Бүгін Президент Қасым-Жомарт Тоқаев Италияға ресми сапармен келді. Қазақстан Президентін Рим әуежайынан Италияның Қорғаныс министрі Гвидо Крозетто, Рим Папасының өкілі Франческо Каналини қарсы алды. Мемлекет басшысын күтіп алу кезінде Құрмет қарауылы сап түзеп тұрды.

Ертең Қасым-Жомарт Тоқаев ертең Италия Президенті Серджо Маттарелламен, Премьер-министр Джорджа Мелонимен келіссөздер жүргізеді. Сонымен қатар Президент «Қазақстан-Италия» инвестициялық дөңгелек үстеліне қатысып, бірқатар ірі компания басшыларымен кездесулер өткізеді деп жоспарланып отыр.  Бұл да Еуроодақпен маңызды серіктестіктің айқын дәлелі.

Осы ретте біз Қазақстан мен Еуроодақ арасындағы ең маңызды деген бағыттарды  айта кеткенді жөн санаймыз.

1. Қазақстандық сыртқы сауда айналымының 40% жуығы Еуроодаққа тиесілі

 2. ЕО елдерінен Қазақстан экономикасына тікелей инвестициялар ағыны 7,8 млрд долларды құрады

 3. Еуропарламент Қазақстандағы саяси және экономикалық реформалардың одан әрі іске асырылуын құптайды

 4. "Әділ Қазақстан" тұжырымдамасы адам құқықтарын құрметтеуді қамтамасыз етеді ― Еуропарламент депутаттары

 5. Еуропалық Парламент депутаттары ЕО елдерін Орталық Азия мемлекеттерімен ынтымақтастықты жандандыруға шақырды

 6. Еуропарламент: Орталық Азия Шығыс пен Батысты байланыстыратын негізгі аймақ

 7. Еуропарламент Қазақстан билігін басталған саяси және экономикалық реформаларды жүзеге асыруды жалғастыруға шақырады

 8. Визалық режимді оңайлату: ҚР-мен тұлғааралық алмасуды кеңейтудің әлеуетті пайдасын Еуропарламентте атап өтті

 9. ЕО Орталық Азия елдерімен бірлесіп жұмыс істеуге бейімділігін растайды