Валюта бағамы
USD - 447.75
EUR - 490.40
RUB - 4.84

Түркияда туристерге баспананы жалға беру ережесі күшейтілді

Биылдан бастап кез келген азамат пәтерін қысқа мерзімге жалға беру үшін рұқсат алуға тиіс.

Жаңа заңға сәйкес, тұрғын үйді 100 күнге дейін жалға беру үшін жергілікті тұрғындар Мәдениет және туризм министрлігінен лицензия алу керек, деп хабарлайды 31 арнаның Информбюро ақпараттық бағдарламасы.

Биылдан бастап кез келген азамат пәтерін қысқа мерзімге жалға беру үшін арнайы тіркеуден өтіп, рұқсат алуға тиіс. Оған қоса, көпқабатты үй болса, көршілердің келісімін алу қажет. Жаңа ережеге бағынбаған баспана иесіне 100 мың түрік лирасы, яғни бір жарым миллион теңгеден астам айыппұл салынады.
Сондай-ақ талап бойынша жалдамалы үйде 12 адамнан артық тұрмау қажет. 3 жасқа дейінгі балалар есепке алынбайды. Бұл жаңашылдық әлемнің түкпір-түкпірінен туристер ағылатын Ыстамбұл, Анталия, Измир, Алания сынды қалаларда үйін жалға беріп, табыс табатын азаматтарды тығырыққа тірегелі тұр. Айта кетейік, жаңа ереже пәтерін 100 күннен астам жалға беретін адамдарға қатысы жоқ.

 

Электрондық пошта мекенжайыңыз жарияланбайды. Қажетті өрістер (*) белгіленеді.

captcha Жаңала