Түркиядағы астық қоймасында жарылыс болып, 10-нан аса адам жараланды
Түркияда қоймада жарылыс болды, деп хабарлайды Анадолы агенттігі.
Жарылыс Ыстанбұлдан 100 шақырым жерде, Мәрмәр теңізі жағалауында орналасқан Коджаели провинциясындағы ірі коммерциялық порт – Деринджеде болған.
Коджаели губернаторы Седдар Явуздың айтуынша, жарылыс салдарынан шамамен 12 адам зардап шекті.
Астық қоймасындағы жарылыс себебі әзірге белгісіз. Оқиға орнында өрт сөндіру-құтқару, медицина және полиция бригадалары жұмыс істеп жатыр.