ЖОШЫ ҰЛЫСЫНЫҢ 750-ЖЫЛДЫҒЫН МІНДЕТТІ ТҮРДЕ АТАП ӨТУ КЕРЕК!

Жошы Ұлысының 750-жылдығын міндетті түрде атап өту керек!
(Оның қандай форматта өтетіні басқа мəселе). Жас тарихшы Өткірбай Әбдікәрімов өзінің фейсбук парақшасына осылай жазды. 

Оның себебін «Негізі Қазақстанға, өз территориясында орын алған кез-келген мəдениет пен мемлекетке: Андронов пен Ботай мəдениетінен бастап Сақ, Ғұн саяси бірлестіктерінен, бергідегі Алаш-Орданы да атап өтсе толық жарасады! Сонымен қатар, Қазақстан, Томирис, Спитамен, "Алтын адам", Əл-Фарабиден бастап Əлихан Бөкейханға дейін олардың ұлттық, этникалық жақтарына қарамастан өзінің "тарихи мұралары мен тұлғалары" ретінде мерейтойларын атап өтуге мемлекеттік деңгейде толық құқылы!
Мемлекеттің тарихи мұрасы мен байлығы, тек қана сол мемлекетті құрып отырған этностың ғана өткен тарихымен шектелмейді, сол мемлекет алып отырған географиялық аумақта болып өткен бүкіл мәдениеттер мен саяси бірлестіктердің тарихынан құралады. Яғни бұл анық мәдениеттер мен мемлекеттілік сабақтастықтары.

Ал енді Жошы Ұлысына келетін болсақ, оның өзін, сондай-ақ хандарын "монғол болған, оның қазіргі қазақтарға қатысы шамалы, бұл Ұлыс жан-жағындағы елдерге өктемдігі өткен империялық құрылым" және сол сияқты алдыңғы уақытта қалыптасып қалған ғылыми және ғылыми-академиялық талдау мен көзқарас арқылы анализ жасап жүрген тарихшылар - қазіргі таңдағы жаңадан құрылып келе жатқан қоғам мен өскелең ұрпақтың алдындағы өздерінің интеллигенция ортасы ретіндегі ең басты миссиясы мен міндеттерін түсіне алмаған тарихшылар! Ғылыми дәлелден (мақала, диссертация, монография т.б.) ауытқымаймын деп, қазіргі қоғамдық, идеологиялық сұранысты қанағаттандыра алмаған бұл тарихшылар, ол сұраныстардың орнын дөрекі жолмен толықтырып жүрген өңірлік немесе белгілі бір ру өкілінің еңбектері мен мақалаларының сапасы мен ғылыми маңызына ренжімеулері керек деп ойлаймын!» -деп постында нақты атап көрсетті.

photo: ppt-online.org