ТҮРКІ ӘЛЕМІНІҢ ДИДЖИТАЛ КІТАПХАНАСЫ

«Отырар» түркі әлемінің электронды кітапханасы» жобасын бірлесіп жүзеге асыру туралы ынтымақтастық жөніндегі меморандум Алматы қаласында бекіді. Құжатқа ҚР Ұлттық кітапханасының директоры Жанат Сейдуманов және Түркияның «YERTAD» Тарих және мәдениет қауымдастығының басшысы Низаметтин Айкурт қол қойды. Жобаны қолға алушылар, Президент Нұрсұлтан Назарбаевтың «Ұлы Даланың жеті қыры» атты бағдарламалық мақаласында айтылған Қазақстанның модераторлығымен Википедияның үлгісінде Түркі халықтарына ортақ туындылардың бірыңғай онлайн кітапханасын құру туралы ұсынысына сәйкес жасалып жатқан қадам екенін айтады.