ОРТАЛЫҚ АЗИЯ ЕЛДЕРІ СЫРТҚЫ ІСТЕР МИНИСТРЛЕРІ ОРЫНБАСАРЛАРЫНЫҢ ДӘСТҮРЛІ КЕЗДЕСУІ ӨТТІ
Ташкент қаласында Орталық Азия мемлекеттері Сыртқы істер министрлері орынбасарларының жыл сайынғы кездесуі болып өтті. Еліміздің осы саладағы ведомствасының баспасөз қызметі таратқан мәліметі бойынша, БҰҰ-ның Орталық Азия үшін алдын-алу дипломатиясы бойынша өңірлік орталығының (БҰҰ ОААДӨО) ұйымдастыруымен өткен Орталық Азия елдері сыртқы істер министрлерінің орынбасарларының жыл сайынғы кездесуіне Қазақстан тарапынан Сыртқы істер министрінің орынбасары Ержан Ашықбаев қатысқан.
Отырысқа Орталық Азиядағы бес елдің сыртқы істер министрлерінің орынбасарларымен қатар, БҰҰ ОААДӨО басшысы - БҰҰ Бас хатшысының арнайы уәкілі Наталья Герман, БҰҰ-ның бірқатар жоғары лауазымды өкілдері және АИР бойынша арнайы сессиясына Ауғанстан Сыртқы істер министрінің орынбасары Нахид Эсар бастаған ауған делегациясы қатысты.
Іс-шара барысында Орталық Азиядағы тұрақтылық пен қауіпсіздікке аймақтық және ұлтаралық сын-қатерлер, аймақ елдері және БҰҰ ОААДӨО-ның осы сын-қатерлерді шешу жөніндегі бірлескен жұмысының нәтижелері, сондай-ақ аймақтық ынтымақтастықты одан әрі дамыту перспективалары талқыланды.
Е.Ашықбаев өз сөзінде Қазақстан Орталық Азия мемлекеттерінің аймақтық жақындасуының кеңеюін әрдайым қолдайтынын және өзара сенім мен ортақ мүдделерді құрметтеуге негізделген аймақтың саяси және экономикалық тұрақты және қауіпсіз дамуына еліміздің ерекше қызығушылығын атап өтті. Ол Орталық Азия кезігіп отырған бірқатар қауіп-қатерлерге және оларға төтеп беру шараларына тоқталды.
Аймақтағы негізгі сын-қатерлердің қатарында терроризм мен экстремизм, есірткінің заңсыз айналымы және трансұлттық қылмыс, адам саудасы, су-энергетика және экологиялық мәселелер, транзит және әлемдік нарыққа шығу мәселелері атап айтылды.
Жалпы, спикерлер аймақтық ынтымақтастықтың даму динамикасын оң бағалап, оған маңызды серпін Нұр-Сұлтан мен Ташкенттегі саммиттер болғанын атап айтты. Сонымен қатар, көрші Ауғанстанмен ынтымақтастықты нығайтудың және оны қауіп-қатер көзі ретінде емес, серіктес ретінде қабылдаудың маңыздылығына назар аударады.
Үкіметтер мен жастар арасындағы аймақтық үнқатысу жөніндегі БҰҰ ОААДӨО бастамасының аясында жастар өкілдерімен аймақтың дамуының болашағын талқылауға арналған жеке сессия болып өтті.
Осы форматта өткен кездесу өзін аймақтық сипаттағы мәселелерді талқылау және олар бойынша шешім қабылдау үшін тиімді тұғырнама ретінде көрсетті.
Сондай-ақ, іс-шара аясында Е. Ашықбаев өзінің Орталық Азиялық әріптестерімен бірқатар кездесулер өткізіп, екіжақты қатынастардың қазіргі жағдайы мен түрлі форматтағы ынтымақтастықты нығайту перспективаларын талқыланды. Сыртқы істер министрінің орынбасары сонымен бірге БҰҰ Арнайы өкілі Н.Германмен кездесіп, Қазақстан Республикасы мен Орталық арасындағы ынтымақтастықты одан әрі кеңейту мен тереңдетуді мәселелері бойынша пікір алмасты.
Сурет mfa.gov.kz сайтынан алынды.
