Валюта бағамы
USD - 447.75
EUR - 490.40
RUB - 4.84

ШЕТЕЛДЕН КЕЛГЕН ҚАНДАСТАРҒА 238 ҚОСЫМША ГРАНТ БЕРІЛДІ

Шетелден келген талапты қазақ жастары былтырдан бері арнайы дайындық курсынан өтіп, жуырда грантқа оқуға түскен болатын. Берілген 1000 орынға сыймай қалған 238 жасқа қосымша грант бөлінгені мәлім болды.

 

«Отандастар Қоры» КЕАҚ-тың фейсбук әлеуметтік желісіндегі парақшасында жарияланған ақжолтай хабарда былай деп жазады: «Шет елдерде тұратын қандастарымыздың Қазақстанда білім алуы жылдан жылға жүйеленіп келеді. Этникалық қазақ жастарының ЖОО-ға түсуі кезінде қазақ тілі мен Қазақстан тарихы сынағынан қиналмауы үшін аталған оқу орындарында оларға арналып дайындық бөлімдері ашылған. Отандастар қоры білім іздеп келген шет елдік қазақ жастарының жатақханамен қамтамасыз етілуіне сеп болды.
Биыл дайындық курсына қабылдау емтиханы 13 қыркүйекте өтті және 25 қыркүйекте талапкерлер жинаған баллына қарай бөлінген 1000 орынға қабылданды. «Отандастар Қоры» КЕАҚ 1000 орынға сыймай қалған 238 өтініш берушінің жайы бойынша ҚР Білім және ғылым министрлігіне хат жолдап, Дүниежүзі қазақтары қауымдастығының бірінші орынбасары Зауытбек Қауысбекұлы Үкімет отырысында осы мәселені көтерді. Мәселе оң шешімін тауып, 238 үміткер елде қалып, білімін тегін жалғастыруға мүмкіндік алды».

Суреттер «Отандастар Қорының» фейсбук парақшасынан алынды.

Электрондық пошта мекенжайыңыз жарияланбайды. Қажетті өрістер (*) белгіленеді.

captcha Жаңала