БҮГІН — ТҮРКИЯНЫҢ РЕСПУБЛИКА КҮНІ МЕРЕКЕСІ

Бүгін бауырлас Түркияның құрылғанына 96 жыл толды. Осыдан бір ғасырдай уақыт бұрын Анадо­лыда ұлт көшбасшысы Мұстафа Кемал Ататүрік бастаған шет ел интервенттерінің жаулауынан құтқаруға бағытталған ұлт-азаттық кү­рес жеңіспен аяқталды. Осылайша 1923 жы­лдың 29 қазан күні зайырлы Түркия Рес­пуб­ликасы құрылды.

Ұлы елдердің мұрагері ретінде құрылған жаңа мемлекет өзінің тарихи сахнаға шыққанын бар әлемге жариялап, республи­каның тұңғыш президенті болып Отан үшін от пен оққа кеудесін тосқан даңғты маршал ғази Мұстафа Кемал сайланды. Түркия мемлекетінің негізін қалаушы әрі тұңғыш Президенті Мұстафа Кемалдың есіміне кейін құрметті «Ата­түрік» атауы қосылды. Түбіміз бен тегімізі бір тарихымыз бен мәдениетіміз, әдебиетіміз ортақ елмен қазір байланысымыз күшті. Елорданың көрікті жерлерінің бірінен түріктің тау тұлғасы, кемеңгер көсем Мұстафа Кемал Ататүрікке ескерткіш орнатылды. Бұл күні Анкарадағы Ататүрік кесенесіне халықтың ағылатынын, билік өкілдерінің арнайы гүл шоқтарын қойып, тағзым ететінін атап өткен абзал.

Бүгін Түркия Республикасының 96 жылдығына Түркия Республикасының Төтенше және Өкілетті Елшісі Невзат Уянык арнайы қабылдау өткізіп, салтанатты шара аясында Юнус Эмре атындағы түрік мәдениет орталығы ұйымдастырған "Гөбеклітепе" фотокөрмесі ашылады.