НҰРТАС СОЛТАНҰЛЫ «ALTAI» ТЕЛЕАРНАСЫНЫҢ ДИРЕКТОРЫ ҚЫЗМЕТІНЕ ТАҒАЙЫНДАЛДЫ
Белгілі журналист Нұртас Солтанұлы бүгін «Қазақстан» РТРК» АҚ Шығыс Қазақстан облыстық филиалы «Altai» телеарнасының директоры қызметіне тағайындалды. Жаңа басшыны ұжымға телерадиокорпорация басшысының бірінші орынбасары Құрманбек Жұмағали таныстырды.
Еңбек жолын "Қазақстан-Өскемен" телеарнасынан бастаған Нұртас Солтанұлы кейін елордаға ауысып, ұзақ жыл ұлттық арнаның ақпараттық-сараптамалық бағдарламалар бөлімінде еңбек етті. 2011 жылы «Qazaqstan» Ұлттық телеарнасының Ресейдегі меншікті тілшісі болып Мәскеуге аттанды. Содан бері басты стратегиялық әріптес ел саналатын Ресейдегі басты оиғаларды, айырықша ахуалдарды қазақ жұршылығына дер кезінде сараптап, талдап жеткізіп отырды. Ресей Президенті жанындағы Халық шаруашылығы және Мемлекеттік Қызмет Академиясын бітірген. Ресейдің де Қазақстанның да медиа ахуалын жақсы білетін әріптесіміздің жаңа бастамалармен жарқырап көрінеріне сенеміз.
