Валюта бағамы
USD - 382.56
EUR - 426.48
RUB - 5.84

ТҮРКИЯДАҒЫ ҚАЗАҚ ДИАСПОРАСЫМЕН ІСКЕРЛІК ҚАРЫМ-ҚАТЫНАС АРТАДЫ

Көріністер: 32
Ad

Ыстанбұл қаласында Түркияда тұратын отандастардың қатысуымен

бизнес-форум болып өтті. Шара  «Отандастар қоры» КЕАҚ пен ҚР Түркиядағы Елшілігінің Бизнес-форумы - «Атамекен» ҰКП ССП-ның Түркия Республикасында 31 шілдеден 1 тамызға дейін өткізілетін сауда-экономикалық миссияның шеңберінде өтті.

«Отандастар қоры» баспасөз қызметінің хабарлауынша, бизнес-форум шетелде тұратын отандастармен байланыс орнату және нығайту жөніндегі Қор бағдарламасының бір бөлігі. Іс-шараның негізгі мақсаты – Түркияның қазақ диаспорасы өкілдерімен іскерлік қарым-қатынас орнату.

Қордың бірінші вице-президент Талғат Адуов іс-шара барысында Қор қызметінің негізгі бағыттары, сондай-ақ шетелдегі диаспорамен жұмыс істеу жөніндегі қордың негізгі жобаларының бірі - қазақ мәдени іскерлік үйінің құрамына кіретін іскерлік үйлері мен мәдени орталықтардың әлем бойынша желісін құру жөніндегі жоспармен таныстырды.

Ойға сәйкес, орталық кеңсесі Қазақстан астанасында орналасқан Қазақ мәдени-іскерлік үйі шет елдерде ресми өкілі ретінде этникалық қазақтар болатын іскерлік үйлер мен мәдени орталықтар желісін құрады. Олар қазақ мәдениеті мен дәстүрлерінің, ұлттық брендтердің, тілді сақтаудың жолсерігі болады, сондай-ақ қазақстандық экспортты, өнімдерді жылжытуға жәрдем көрсетеді, нақты бизнес-келісім-шарттар жасауға қатысады, серіктестерді, қызықты бизнес идеялар мен инновациялық стартаптарды іздейді. Бұл қағида Израиль, Армения және т.б. сияқты бірқатар алдыңғы қатарлы елдердің мәдениетін ілгерілету мен бизнес байланыстарын дамытуда кеңінен қолданылады, өйткені Қазақстанда бизнесті мемлекеттік қолдаудың сұраныстармен, ұсыныстармен және шараларымен нығайтылған диаспора өкілдерінің білімі мен қажеттіліктерін түсінуі бар дұрыс пайдалану бизнес байланыстарды дамыту үшін платформа болып табылады.

Бизнес-форум барысында қатысушылар өзара іс-қимыл тетіктерін, ШОБ және ірі бизнес саласындағы бизнес-бастамаларды ынталандыру, сондай-ақ стартаптарды қолдау және дамыту тетіктерін егжей-тегжейлі талқылады. Тоқыма өнеркәсібінің, ауыл шаруашылығының, қызмет көрсету саласының дамуына, технологиялық өндірістерді құруға негізделген түрік нарығының бейінін ескере отырып, осы салаларға баса назар аударылды. Форум қатысушыларына Қазақстан облыстарының инвестициялық әлеуеті таныстырылды.

Бизнес-форумға «El Tiregi» қазақстандық шағын және орта бизнес қауымдастығының Басқарма төрағасы Асқар Әбубәкіров, "КАТКА" қазақстан-түрік кәсіпкерлер қауымдастығының Бас хатшысы, «Business & Travel Central Asia» компаниясының атқарушы директоры Дінмұхаммед Зиятбеков қатысты.

Форум жұмысына 150-ден астам адам қатысты. Олар өздерін қызықтыратын стартаптар, бизнес-бастамалар, қолда бар жобалар туралы айтып, спикерлерге сұрақтар қойып, бизнес жоспарлар мен бастамаларды Қазақстанда, сондай-ақ халықаралық нарықта жылжыту мүмкіндіктерін талқылады.

Форум соңында Қордың бірінші вице-президенті Талғат Адуов Түркияда тұратын отандастарды Қордың қазақ үйінің іскерлік үйі мен мәдени орталығы өкілдерін анықтауына белсенді қатысуға, сондай-ақ кездесуге қатысушыларды ағымдағы жылдың қараша айында Түркістан қаласында өтетін отандастардың бірінші форумына шақырды. Бұдан басқа, Қор ұсыныстарға ашық  және тұратын жеріне қарамастан барлық отандастармен "байланыста" тұрғанын, ол үшін барлық өзекті мәселелер бойынша кеңес беретін және ақпараттық қолдау көрсететін отандастар мәселелері жөніндегі бірыңғай байланыс орталығы арнайы құрылғанын атап өтті.

Түркиядағы бизнес-форум маусым айында Мюнхен қаласында өткен форумнан кейінгі екінші бизнес-форум. Түрлі елдерде тұратын отандастармен барлық осындай кездесулер 8 (ГФР, АҚШ, Ұлыбритания, Швеция, Қытай Халық Республикасы, Өзбекстан, Түркия және Ресей) жоспарланған, келесі Бизнес-форум 2019 жылы 27 тамызда Сан-Франциско қаласында (АҚШ) өтеді.

Электрондық пошта мекенжайыңыз жарияланбайды. Қажетті өрістер (*) белгіленеді.

captcha Жаңала