Валюта бағамы
USD - 451.75
EUR - 490.40
RUB - 4.89

ШЕТЕЛГЕ ШЫҒАР КЕЗДЕ TELEGRAMҒА ЖҮГІНІҢІЗ

Шетелге шығуға тыйым салынған-салынбағанын Telegram әлеуметтік желісі арқылы тексеруге болады. Бұл туралы  «Азаматтарға арналған үкімет» КЕАҚ баспасөз қызметі хабарлады.

Хабарламада жазылғандай, кезекті еңбек демалысы қарсаңында шетелде демалып, туристік сапарға шығуды жоспарлаған қазақстандықтар борышкерлер тізімінде бар-жоғын алдын ала тексергені абзал. Мұны азаматтар бірнеше тәсіл арқылы тексере алады. Солардың бірі - Telegram қосымшасындағы @EgovKzBot. Бот қызметін таңдағаннан кейін пайдаланушы  «Борышкерлер тізілімі және шет елге шығуға тыйым салу бойынша тексеру» сервисіне өтіп, жеке сәйкестендіру нөмірін енгізуі қажет. Борышкерлер тізімінде болмаған жағдайда, автоматтандырылған ақпараттық жүйе берілген ЖСН бойынша ешқандай деректердің табылмағаны жөнінде хабарлама жібереді. Бот арқылы сапарға бірге шығатын туысқандарыңыздың не достарыңыздың да берешегін тексеруге болады. Керекті ақпарат сұрау жіберілгеннен кейін бірден көрсетіледі» деп жазылған  хабарламада. Айта кетейік, бір жыл бұрын іске қосылған @ЕgovKzBot-ты 300 мыңға жуық қазақстандық қолданып үлгерді. Бот қызметін пайдалану үшін қазақстандықтар мобильді азаматтар базасында тіркелуі шарт. Бүгінде ол базаға 6,8 млн адам өз мәліметтерін енгізген. Сонымен қатар, электронды цифрлық қолтаңба иелері egov.kz порталындағы жеке кабинеті арқылы айыппұлдың бар-жоғын тексеріп, берешек анықталған жағдайда, портал арқылы қарызын өтей алады.   Естеріңізге сала кетейік, Қазақстан аумағынан тыс жерге шығуға шектеу салық, айыппұл немесе басқа адамдар алдында сотқа жүгінуге дейін апарған қарыздар, алимент, сонымен қатар коммуналдық қызметтер бойынша берешегі барларға қойылуы мүмкін.

Электрондық пошта мекенжайыңыз жарияланбайды. Қажетті өрістер (*) белгіленеді.

captcha Жаңала