ҚАЗАҚСТАН РЕСПУБЛИКАСЫ ПРЕЗИДЕНТТІГІНЕ ТАҒЫ ЕКІ КАНДИДАТ ТІРКЕУДЕН ӨТТІ

Бүгін Орталық сайлау комиссиясының отырысы өтіп, 9 маусымда болатын Қазақстан Республикасы президенттік сайлауына үмікер ретінде тағы екі кандидатты тіркеді. «Ұлт тағдыры» бірлескен ұлттық-патриоттық қозғалысы» қоғамдық бірлестігі ұсынған үміткер Әміржан Қосановты Президенттікке кандидат ретінде тіркеуге қажетті Орталық сайлау комиссиясына ұсынылған барлық құжаттар қойылатын талаптарға толық сәйкес келеді деп танылып,   тиісті куәлік берілді. Сонымен қатар, «Қазақстан Коммунистік Халық партиясы» ұсынған үміткер Жамбыл Ахметбеков те тиісті талаптарға сай келетіндіктен ОСК-ге тіркеліп, арнайы куәлік берілді.